आमच्या मंडळाबद्दल

माऊलीप्रसाद मित्र मंडळाची स्थापना १९८९ मध्ये झाली. या उत्सवाची सुरुवात ३८ वर्षांपूर्वी एका अत्यंत छोट्याशा खोलीत झाली. सुरुवातीच्या काळात अनेक अडचणी होत्या; पावसाळ्यात पत्र्याचे छत गळायचे, तेव्हा बाप्पाच्या मूर्तीवर पाण्याचा एकही थेंब पडू नये म्हणून सर्व कार्यकर्ते रात्रभर छत्री धरून पहारा देत उभे राहायचे. काळ पुढे सरकला, कार्यकर्त्यांचा उत्साह वाढला आणि बाप्पाचे स्थान आधी सोसायटीच्या गच्चीवर आणि नंतर प्रशस्त प्रांगणात हलवले गेले.

सुरुवातीच्या काळात मंडप उभारण्यापासून ते विद्युत रोषणाई आणि फुलांच्या सजावटीपर्यंतचे प्रत्येक काम कार्यकर्ते स्वतः रात्र-रात्र जागून करायचे. बदलत्या काळासोबत प्रत्येकाच्या जबाबदाऱ्या वाढल्या, त्यामुळे आज जरी सर्व कामे स्वतः करणे शक्य नसले, तरीही 'ॐ साई डेकोरेटर्स' यांनी ही जबाबदारी तितक्याच प्रेमाने आणि यशस्वीपणे सांभाळली आहे.

“हा ३८ वर्षांचा ऐतिहासिक प्रवास म्हणजे गणरायाचा आशीर्वाद, संस्थापक आणि ज्येष्ठांचे मार्गदर्शन, कार्यकर्त्यांची अखंड मेहनत आणि भाविकांनी दिलेल्या अतुलनीय प्रेमाची अथांग पावती आहे. गणरायाची ही कृपाछाया अशीच अखंड राहो, हीच चरणी प्रार्थना!”